Humbja e Paris St Germain në finalen e Botërorit të Klubeve kundër Chelseat i ka shërbyer Luis Enriques për ti vënë pikat mbi i, i cili tashmë e ka deklaruar emrin e një lojtari të padëshiruar.
Bëhet fjalë për Lucas Beraldon, i cili nuk bindi me lojë dhe ishte përgjegjës në tre golat e shënuar nga ‘’ Blutë e Londrës ‘’.
I ashtuquajturi ‘’ Lucho ‘’ nuk i toleron këto situata, edhe pse ka privilegjin e të drejtuarit ‘’ Les Pariziens ‘’, kampionë në fuqi të Champions Leagues.
Edhe pse cilësitë e 21 vjeçarit nuk mund të vihen në dyshim, presioni tek francezët është shumë i madh pasi është një ekip i ndërtuar për të fituar tituj të rëndësishëm dhe për të luajtur çdo finale të mundshme.
Referuar situatës së ndërlikuar të ishi-t të Sao Paolos në ‘’ Parque de Princes ‘’ disa klube kanë filluar ta shqyrtojnë mundësinë e transferimit të tij, i cili ka zhvilluar dy sezone me kuq e blutë.
Traineri Luis Enrique njihet si tejet kerkues dhe detajist, cilësi që e kanë shëndërruar në një ndër më të mirët në qarkullim dhe do të mbahet mend nga e gjithë tifozeria e Paris St Germain dhe drejtuesit për faktin e të qënit traineri me të cilin fitoi për herë të parë në histori kompeticionin më të rëndësishëm europian për klube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
