Eksperienca e Mauro Icardit në Paris St Germain nuk po shkon ashtu siç duhet. Pas skandalit të përjetuar me bashkëshorten dhe njëkohësisht agjenten e tij Wanda Nara , e ardhmja në ‘’ Parque De Prince ‘’ është vënë në dyshim .
Megjithatë kjo situatë nuk e ka shqetësuar aspak Juventusin që prej vitesh ëndërron veshjen me bluzën bardhezi të argjentinasit për të cilin do të ishte një ripërshëndetje me kampionatin që i ka prodhuar aq shumë sadisfaksione në të kaluarën .
Analizat e shumta të bëra nga Massimiliano Allegri , trainer që pak e nga pak po e ndihmon ‘’ Zonjën e Vjetër ‘’ të fitojë ritmin e humbur e kanë drejtuar nga 28 vjeçari. Një aspekt shumë i rëndësishëm që s’duhet anashkaluar është njohja e shkëlqyer e Mauro Icardit për Serinë A që mund ta ndihmojë nëse do të veshë fanellën e torinezëve .
Por kjo histori me siguri do të prodhonte prapaskena sepse reagimi i zikaltërve ndoshta do të jetë i paevitueshëm sepse do të perceptohej si një tradhëti nga drejtuesit e italianëve .
Përtej polemikave që mund të jenë prezente në të ardhmen të cilat njëkohësisht janë të natyrshme në botën e futbollit , nëse analizojmë eksperiencat e Mauro Icardit , Seria A mbetet një frymëzim për të pasi nëse i referohemi atyre me Sampdorian dhe Interin ka arritur shifrën e 135 golave në 252 ndeshje , statistika që reflektojnë se është një bomber absolut .
11 ndeshjet e para me ‘’ Les Pariziens ‘’ kanë rezultuar me 3 gola për Mauro Icardin , shumë larg atyre statistikave të arritura me skuadrën nga Milano.
Tashmë dera për nxënësin e Mauricio Pochettinos është rihapur përsëri dhe duhet pritur vendimi i argjentinasit për destinacionin e rradhës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
