Pavarësisht se po zhvillon një sezon shumë të mirë, i reflektuar së fundmi me kalimin në çerekfinalet e Champions Leagues , drejtuesit e Milanit ende janë të fokusuar maksimalisht tek merkatoja e verës.
Traineri Stefano Pioli vijon i pakënaqur me ofensivën dhe këtë herë kuqezinjtë i kanë kaluar kufinjtë dhe duket se e kanë gjetur zgjidhjen në Argjentinë.
Sipas ‘ Calciomercatos ‘ Mateo Retegui i Tigres , kartoni i të cilit i përket Boca Juniorsit është bërë pjesë e projektit ambicioz të gjigandëve të Italisë dhe jo vetëm , kryefjala e të cilit vijon të jetë fitimi i titujve të rëndësishëm.
Për më tepër 23 vjeçari është grumbulluar nga Roberto Mancini tek Italia për ndeshjet kualifikuese të Europianit të ardhshëm, fituesja në fuqi e këtij kompeticioni.
Duhet theksuar se sulmuesi do të vijojë huazimin tek Tigre deri në 31 dhjetorin e këtij viti dhe drejtuesit e argjentinasve nuk kanë ndërmend të lejojnë largimin nga ‘’ Jose Dellagiovanna ‘’.
Megjithatë,‘’ Los Xeneises ‘’ po mendojnë seriozisht qëndrimin e Mateo Reteguit në ‘’ La Bombonera ‘’ , fakt që do të thotë se Milani do ta ketë të vështirë akordin me golashënuesin nga Buenos Aires.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
