Bayern Munchen dhe Barcelona nuk do të jenë të vetmit në garë për mbrojtësin Andreas Christensen , lojtar që ka fituar edhe një pretendent në orët e fundit .
Sipas portaleve italiane , Roma ka nisur sulmin për danezin , atje ku e pret një trainer shembullor si Jose Mourinho.
Planet e nordikut janë larg Londrës dhe në kontinentin e vjetër do të luhet një sfidë e ashpër ndërmjet tre skuadrave që kërkojnë të përmirësohen gjatë verës.
Titullar i padiskutueshëm për Thomas Tuchel dhe me një histori suksesi mbi supe e bëjnë 25 vjeçarin shumë të preferuar dhe kryeqytetasit kanë vendosur ti përziejnë ujërat dhe do të shfrytëzojnë asin nën mëngë , pra ‘’ The Special One ‘’ i cili ka triumfuar kudo ku ka vënë këmbën përveç Tottenham Hotspurit ku s’mundi të bëjë shumë .
Nëse i referohemi bavarezëve , Julian Nagelmann domosdoshmërisht kërkon një mbrojtës cilësor në ‘’ Allianz Arena ‘’ për faktin se Niklas Sule me të mbaruar sezoni do të transferohet në Dortmund dhe do të luajnë çdo kartë për të firmosur me ishi-n e Monchengladbahut .
Italianët do të kenë një detyrë shumë të vështirë sepse prezenca e Barcelonës dhe rekordmenëve të Bundesligës nuk i lë shumë hapësira por gjithsesi ‘’ Verdhekuqtë ‘’ preferojnë ti shkojnë deri në fund kësaj historie duke shpresuar në një sukses sepse në futboll gjërat janë të paparashikueshme .
Një largim i Andreas Christensen nga ‘’ Stamford Bridge ‘’ do ta linte të varfër mbrojtjen e Chelseat dhe drejtuesit e anglezëve duhet të impenjohen maksimalisht gjatë verës për të mos prishur harmoninë në prapavijë dhe ta nisin me këmbën e mbarë sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
