Real Madridi i hedh sytë tek Evertoni

Merkatoja vijon e vrullshme dhe çdo ditë është një motiv më shumë për klubet me emër për të arritur objektivat . Real Madridi nuk mendon të ndalet dhe Carlo Ancelotti është kthyer në retrospektivë duke spikatur një element tek ish skuadra e tij Everton.  

Abdoulaye Doucoure i ka mbetur në mendje italianit i cili pati privilegjin ta drejtojë në ‘’ Goodison Park ‘’ dhe niveli mbresëlënës i 29 vjeçarit nuk mund të anashkalohet nga traineri i mirënjohur .

 Qëndrimi tek skuadra nga Liverpooli shkaktoi disa efekte pozitive në karrierën e Carlo Ancelottit , eksperiencë që kërkon ta përsërisë me  ‘’ Galaktikët ‘’ të cilëve duke e njohur mentalitetin e tij do t’ia gjejë sigurisht anën. 

Abdoulaye Doucoure ka fituar një rol protagonisti tek Evertoni dhe  Rafa Benitez ndihet shumë me fat që e ka pjesë të 11-shes  sepse garanton shumë për vijimësinë .

Menjëherë ishi i  Milanit ka vënë në dijeni Florentino Perezin për të mos humbur kohë sepse do të ishte një minus shumë i madh për ‘’ Los Blancos ‘’ , lojtar për të cilin do të luftohet për ta transferuar në ‘’ Santiago Bernabeu ‘’ gjatë verës .

 Të  qënit pjesë e Premier Leagues me një kundërshtar tejet të fortë do të shoqërohet me një shifër të konsiderueshme e cila momentalisht nuk është publikuar por duhet pritur se si do të reagojë tekniku Rafael Benitez i cili shquhet për vlerësimin maksimal ndaj nxënësve të tij .

Interesi i Real Madridit jo vetëm për ishi-n e Watfordit por edhe për çdo lojtar elite merret në analizë të detajuar sepse pavarësisht suksesit personal kërkohet domosdoshmërisht ai kolektiv për të pasuruar kurrikulumin dhe të shijojnë momente të mrekullueshme gjatë karrierës .

Një plus për Evertonin në aspektin e fuqizimit të arkave është se kontrata e Abdoulaye Doucure finalizon në 2023-shin dhe kjo verë konsiderohet determinante për të përfituar me shitjen e mesfushorit tek një ndër klubet më të famshëm të planetit .