Korabi ka avancuar në tej në “play-off” dhe shpreson te ngjitja në Superiore. Skuadra dibrane, u kualifikua ndaj Tomorit, pas fitores me rezultat minimal.
Një gol i shënuar nga Keko në minutën e 74-t, i dha fitoren dhe kualifikim për më tej Korabit.
Ndërkohë në këtë takim nuk munguan polemikat nga beratasit, kryesisht në dy raste. Në minutën e 41, Tomori pretendoi për gol pasi një gjuajtje me kokë u devijua në traversë e më pas ishte Ismailaj i cili gjuajti dhe sfera u ndal mbi vijën fatale nga një mbrojtës, por për arbitrin Indrit Myrtja, topi nuk kishte kaluar vijën e portës.
Në minutën e 77-të, ishin sërish beratasit që këtë herë pretenduan për penallti për prekje të topit me dorë, por përsëri arbitri mendoi ndryshe, duke lejuar lojën të vazhdojë.
Në ndeshjen e radhës, Korabi do të përballet me fituesin e çiftit Flamurtari-Apolonia dhe skuadra që kualifikohet aty, do të luajë ndeshjen e fundit, me vendin e tetë në Superiore, ku do të përcaktohet edhe ekipi që do të luajë në elitë për sezonin tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
