Zlatan Ibrahimovic vazhdon të qëndrojë jashtë fushave të blerta, për shkak të dëmtimit të pësuar në ndeshjen ndaj Juventusit në fundin e kampionatit të kaluar.
Suedezi iu nënshtrua një operacioni më 18 qershor, në gjurin e tij të majtë, me shpresën se gjithçka do të shkonte mirë dhe do të ishte gati për fillimin e kampionatit.
Megjithatë duket se koha e rikuperimit për sulmuesin, i cili më 3 tetor mbush 40 vjeç, do të jetë më e gjatë sa ishte planifikuar.
Sipas raportimeve në mediat italiane, thuhet se Ibra nuk do të jetë gati për ndeshjen e parë të kampionatit, që Milani do të luajë ndaj Genoa më 23 gusht. Gjithashtu ai pritet të humbasë edhe ndeshjen e javës së dytë ndaj Cagliari dhe do jetë gatoi vetëm në javën e tretë.
Pioli kështu për qendrën e sulmit po mendon të aktivizojë afrimin e merkatos së verës, Olivier Giroud.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
