E ardhmja e James Rodriguez parashikohet se do të ketë një tjetër destinacion gjatë orëve në vijim . Kolumbiani është pranë rikthimit tek Porto për arsye se Evertoni është i interesuar për sulmuesin Luis Diaz dhe mendon të ofrojë në shkëmbim 30 vjeçarin .
Anglezët janë koshientë se nuk mund ta transferojnë yllin e kombëtares ‘’ Trikolor ‘’ sepse performanca e shkëlqyer në Kupën e Amerikës ja ka rritur ndjeshëm vlerën e kartonit dhe për këtë arsye do të tentojnë reduktimin e këtij operacioni me përfshirjen e lojtarit nga Cucuta .
Sipas gazetarit të famshëm italian Fabrizio Di Romano , Luis Diaz e konsideron një shans që s’duhet humbur transferimin në ‘’ Goodison Park ‘’ sepse e ka preferuar gjithmonë Premier Leaguen .
Nëse gjithçka shkon ashtu siç duhet , James Rodriguez do të ketë mundësinë për tu rikthyer aty ku spikati në arenën europiane dhe ky veprim do të konceptohej si një shenjë respekti ndaj ish klubit të tij .
Një tjetër fakt domethënës është se James Rodriguez e njeh shumë mirë mënyrën e lojës së portugezëve dhe me cilësitë e padiskutueshme që mbart do ti vinte në ndihmë skemave të Sergio Conceiçaos , me objektivin e vetëm të hedhjes pas krahëve të eksperiencës së hidhur të përjetuar në të kaluarën që e la jashtë Kupës së Amerikës për shkak dëmtimi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
