Duke qenë se Alexandre Lacazettes i mbetet edhe një vit kontratë , drejtuesit e Arsenalit kane filluar me tentativat për gjetjen e një lojtari cilësor që do të mund ta zëvëndësojë siç duhet francezin . Kalimi nga Lyoni në Londër i kushtoi ‘’ Topchinjve ‘’ 50 milionë euro dhe e shëndërroi në transferimin më të shtrenjtë të historisë së tyre . Megjithatë gjithçka ka ndryshuar për Mikel Artetan i cili nuk e ka në planet e tij për të ardhmen dhe është fokusuar tek një tjetër lojtar që është prezantuar denjësisht në sezonin e lënë pas .
Në skenë ka dalë emri i Tammy Abraham që ka impresionuar me një formë të shkëlqyer tek Chelsea , skuadër ku dha një kontribut të vyer drejt fitimit të Uefa Champions Leagues së dytë në histori .
Arsenali e di shumë mirë se për të firmosur me golashënuesin 23 vjeçar duhet të aplikojë shitjet dhe ka vendosur ta largojë Alexandre Lacazetten nga i famshmi ‘’ Emirates ‘’ për ti hapur rrugën këtij talenti i cili nuk ka të ndalur me paraqitjet pozitive.
Sipas prestigjozes Transfermarkt vlera e kartonit të ishi-t të Lyonit është 28 milionë euro por dëshpërimi i Arsenalit për ta shitur mund ta pranojë uljen e saj deri në 17 milionë . Sezoni për tu harruar në të cilin përfunduan të 8-tët në kampionat i ka shërbyer si reflektim drejtuesve anglezë me qëllimin e hedhjes pas krahëve së kësaj eksperience që konsiderohet ndër më të dështuarat e viteve të fundit për 13 herë kampionët e Premier Leagues .
Ishi i Aston Villas e finalizoi sezonin me 12 gola në 32 ndeshje pa anashkaluar suksesin historik që i riktheu ‘’ Blutë e Londrës ‘’ në majën e kontinentit të vjetër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
