Shqipëria niset drejt Hungarisë, sulmuesi kuqezi humb sfidën e nesërme

Bekim Balaj do të mungojë për ndeshjen që Shqipëria do të luajë ditën e nesërme ndaj Hungarisë.

Sulmuesi shkodran vazhdon të ketë probleme në kofshë dhe për këtë arsye nuk do të jetë në fushë në sfidës e së shtunës mbrëma. Nuk është ende e qartë nëse Balaj do të jetë i gatshëm për ndeshjen ndaj Polonisë, e cila do të zhvillohet të martën në “Air Albania”.

Ndërkaq Shqipëria është nisur ditën e sotme drejt Hungarisë, ku do të akomodohet në hotel, 1 ditë para sfidës së nesërme. Dy sfidat e këtij muaji janë vendimtare për kuqezinjtë e Rejës, të cilët nëse duan të arrijnë vendin e dytë në renditje, atëherë duhet të marrin 6 pikë.