Pas një merkatoje pozitive , Barcelona ende po lufton për të qenë në formën më optimale të mundshme në lidhje me të ardhmen . Entuziazmi ndihet në kampin e katalanasve , sidomos pas fitores bindëse 4-2 kundër Atletico Madridit , e cila tregoi se kuq e blutë janë drejt rikuperimit të versionit më të mirë të tyre .
Puna e deritanishme e Xavi Hernandez tregon profesionalizmin e padiskutueshëm të ish mesfushorit të ‘’ La Furia Rojas ‘’ i cili vijon rrugëtimin për ta dërguar ekipin e zemrës aty ku e meriton .
Çështjet e rëndësishme vijojnë të jenë kryefjala e përditshmërisë së Barcelonës , drejtuesit e të cilës tashmë e kane ndalur hapin tek rinovimet e Gavit dhe Ronald Araujos .
Kjo histori ka devijuar paksa nga pretendimet e spanjollëve sepse drejtori sportiv Mateu Alemany po has vështirësi për të zgjatur kontratat respektive pasi si spanjolli ashtu edhe uruguajani i kanë rritur pretendimet duke vlerësuar kontributin e dhënë me ngjyrat kuq e blu.
Sipas të përditshmes ‘ Sport ‘ , lojtarët në fjalë po analizohen nga ekipe të njohura të Premier Leagues dhe Barcelona tani më shumë se kurrë duhet të shtojë intensitetin gjatë negociatave për të mos hedhur poshtë sakrificat e Joan Laportas të cilat konsiderohen një shtysë për të bërë më mirë në të ardhmen .
Kontratat respektive finalizojnë në 2023-shin por drejtori sportiv nuk e ka ndalur vrullin në funksion të realizimit të këtij objektivi që i jep përparësi skemave të ish kampionit të botës i cili është në krye të një projekti ambicioz dhe njëkohësisht të vështirë sepse drejton një ndër klubet më të famshëm në botë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
