Pritja 50-vjeçare merr fund për tifozët e Atletico Mineiro. Këta të fundit edhe zyrtarisht janë kampionët e ri në Brazil.
Bardhezinjtë kanë fituar matematikisht titullin kampion, dy javë para fundit të kampionatit. Ditën e djeshme, Atletico Minerio ka fituar një ndeshje të çmendur ndaj Bahia, me këta të fundit që fillimisht kaluan në avantazh me dy golave, pasi shënuan Luiz Otavio në minutën e 62 dhe Gilberto në minutën e 66.
Megjithatë te Atletico Minerio nuk u dorëzuan dhe ia dolën të përmbysin rezultatin. Hulk ngushoti diferencën në minutën e 73 ndërsa 1 minutë më vonë ishte Keno që vendosi baraspeshën në 2-2. Keno u kthye në hero për skuadrën e Cuca, pasi në minutën e 78-të, shënoi edhe golin e përmbysjes, duke i dhënë avantazhin skuadrës së tij, me rezultatin që nuk ndryshoi deri në fund.
Me 81 pikë, plot 11 më shumë se ndjekësit e Flamengo, Atletico Minerio është shpallur matematikisht kampion në Brazil, duke marrë titullin e dytë në histori të klubit, pasi të parin e fitonin 50 vite më parë, më saktë në vitin 1971.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
