Federata Serbe e Futbollit, ka kërcënuar me largim nga Europiani, në rast se UEFA, nuk dënon Shqipërinë dhe Kroacinë.
Serbët pretendojnë se tifozët shqiptarë dhe ata kroatë, kanë kënduar në kor kundër Serbisë.
Sekretari i Përgjithshëm i Federatës Serbe, Jovan Surbatoviç, deklaroi se UEFA, duhet të japë dënim shembullor për dy vendet.
Kjo është skandaloze. Federata do t’i kërkojë UEFA-s që të marrë sanksione. Duhen dënimet më të rënda në mënyrë që të mos përsëritet më. Do kërkojmë që UEFA të ndëshkojë rëndë Shqipërinë dhe Kroacinë. Ne nuk do të marrim pjesë në kompeticionin europian nëse nuk dënohen keqbërësit. Presim dënime rigoroze.
Tifozët shqiptarë dhe ata kroatë, qëndruan bashkë gjatë zhvillimit të ndeshjes, e cila u mbyll në barazim 2-2.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
