Sfidë gjigandësh për Giogi Mamardashvilin

Paraqitjet e shkëlqyera të portierit Giorgi Mamardashvili po i sigurojnë pretendentë me kalimin e ditëve.

Valencia është në luftë për pjesëmarrjen në Europë sezonin vijues dhe një pjesë e sukseseve është falë gjeorgjianit.

Tashmë tre ekipe janë vënë në ndjekje të 23 vjeçarit, shumë i rëndësishëm në 11-shen e  Ruben Barajas. Atletico Madridi është një ndër to, drejtuesit e të cilit i druhen largimit të Jan Oblak në fundin e sezonit.

Diego Simeone ia ka hapur dyert e ‘’ Wanda Metropolitanos ‘’, portier që mund të ketë mundësinë të provojë veten në kompeticionet më të rëndësishme të kontinentit të vjetër.

Edhe Bayern Muncheni e konsideron një element shumë cilësor, duke ditur se legjenda Manuel Neuer është në metrat e fundit të karrierës.

Tek ekipi nga Mynihu priten shumë ndërhyrje gjatë merkatos së verës, i cili pas njëmbëdhjetë sezonesh zbriti nga froni i Bundesligës pasi e humbi luftën me Bayer Leverkusenin.

S’duhet nënvlerësuar Manchester United, ekip i uritur për trofe, i mbetur në prapavijë në vitet e fundit. Erik Ten Hag po has shumë vështirësi për rikthimin e ‘’ The Red Devilsave ‘’ aty ku e meritojnë dhe natyrisht transferimet e lojtarëve cilësorë në ‘’ Old Trafford ‘’ konsiderohen të domosdoshme.