Dayot Upamencano po përjeton një ndër momentet më të rëndësishëm të karrierës.
Francezi po zhvillon sezonin e pestë me Bayern Munchenin, për të cilin disa pretendentë janë interesuar së fundmi.
Mirëpo përpara kësaj situate drejtuesit e gjermanëve kanë filluar tratativat për të siguruar qëndrimin e mbrojtësit në ‘’ Allianz Arena ‘’, duke qenë se konsiderohet kyç nga traineri Vincent Kompany.
Belgu i ka vënë menjëherë në dijeni krerët e ekipit nga Mynihu për ta arritur këtë objektiv dhe flitet se ishi i Leipzigu-t mund të rinovojë përtej 2026-tës.
Negociatat ndërmjet palëve sapo kanë filluar dhe mendohet se do të avancojnë në vijimësi dhe duhet thekuar se momentalisht Real Madridi është kandidati kryesor për të përfituar shërbimet e lojtarit nga Evreux.
Muajt vijues do të jenë determinantë si për ish rekordmenët e Bundesligës ashtu edhe për Dayot Upamencanon, i cili momentalisht po e analizon me detaje hapin e rradhës në karrierë.
Do të jetë një sfidë jo e lehtë, nga një anë ajo e gjermanëve për ta bindur dhe nga tjetra ofensiva e ‘’ Los Merengues ‘’ për ta transferuar në ‘’ Santiago Bernabeu ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
