Këmbngulja e Dortmundit për qëndrimin e Erling Haaland në ‘’ Signal Iduna Park ‘’ vijon të jetë e paluhatur . Norvegjezi mbetet një garanci shumë e madhe për shënimin e golave dhe ‘’ Verdhezinjtë ‘’ kanë ndërmarrë aksionet e nevojshme për të mos e humbur ashtu siç bënë me Jadon Sanchon . Largimi i anglezit ia ka hapur sytë gjermanëve të cilët nuk pranojnë një shuplakë tjetër dhe sipas Bild drejtori sportiv Sebastian Kehl ka konfirmuar me bindje se 21 vjeçari do të vijojë aventurën nën drejtimin e Marco Rose .
Pavarësisht se ofertat në adresë të gjermanëve kanë rezultuar të njëpasnjëshme , këta të fundit nuk duan të humbin ritmin e sezonit të kaluar të cilin e finalizuan me pjesëmarrjen në Champions League dhe ishi i Salzburgut rezultoi një ndihmë e madhe për arritjen e këtij objektivi.
Pothuajse të gjithë ekipet me emër prej kohësh e ëndërrojnë firmosjen me sulmuesin nordik por janë bllokuar nga rezistenca e Borussia Dortmundit . Manchester City, Chelsea, Liverpool, Paris St Germain dhe Real Madridi shpresojnë se një ditë do të firmosin me këtë lojtar por Borussia Dortmundi po vepron me shpejtësi për qëndrimin e yllit norvegjez .
Për më tepër klauzola e përcaktuar konsiderohet si hapi më inteligjent i kësaj skuadre sepse e bën shumë të vështirë përballimin e saj nga gjigandët e Europës .
41 ndeshje të shoqëruara me të njëjtin numër golash konceptohen si statistika bombastike të cilat i kanë motivuar 8 herë kampionët e Bundesligës për ta mbajtur në gjirin e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
