Juventusi është përfshirë në një kaos, për mashtrim në bilancet e klubit, çka solli edhe largimin e gjithë drejtuesve, së bashku me presidentin Agnelli.
Përveç kritikave të shumta, në mbështetje të klubit bardhezi, ka dalë presidenti i Lazios, Claudio Lotito.
Duke folur për mediat italiane, Lotito u shpreh se Juventusi nuk duhet të quhet si e keqja universale, ndërsa shtoi se ata kanë bërë shumë për futbollin italian.
Unë nuk jam gjyqtar. Të gjithë duan të përfshihen në një projekt të suksesshëm dhe kur ka probleme, ikin nga anija. Ka skuadra që kanë fituar shumë nga shitja e një-dy lojtarësh, po të mos ishte përfshirë Juventusi në këtë nuk do të kishte marrë kurrë 160 milionë. Sot të gjithë qortojnë Juven, por nuk duhet ta ekspozoni klubin si të keqe universale. Kanë bërë shumë për të mbështetur futbollin italian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
