Trajneri i Juventusit, Massimiliano Allegri, foli për mediat pas humbjes minimale ndaj Interit.
Tekniku bardhezi deklaroi se zikaltërit janë shumë të fortë dhe favoritë për titullin kampion. Madje ai e krahasoi Interin me Juventusin që drejtonte para 5 viteve.
Kemi luajtur kundër një skuadre të fortë. Ka pasur një pjesë të parë të bllokuar, pastaj pasi u zhbllokua ndeshja ndryshoi tërësisht.
Interi është aq i fortë sa besoj se do të fitojë titullin, sepse ata janë favoritët. Pastaj është normale që një ekip i ndërtuar për të fituar të përdoret për të luajtur Champions League, për të fituar kampionatet dhe Kupën e Italisë si ekipi im i Juventusit i 5 viteve të para.
Pas ndeshjes së djeshme, Interi kryeson me 57 pikë, me një ndeshje më shumë për të luajtur, ndërsa Juventusi mban vendin e dytë me 53 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
