E ardhmja e Matthijs de Ligt tek Bayern Muncheni është vështirësuar ndjeshëm në sezonin aktual. Tekniku Thomas Tuchel e ka preferuar si zgjedhje të dytë dhe sipas L’ Equipe, drejtuesit e gjermanëve e kanë vendosur në listën e largimeve gjatë merkatos së verës.
Mirëpo, pretendentët nuk mungojnë për ishi-n e Juventusit, i cili numëron 1533 minuta lojë të përmbledhura në 24 sfida gjatë sezonit aktual.
Ky fakt evidenton se duke filluar nga 1 korriku, datë kur zyrtarisht starton merkatoja e verës, 24 vjeçari mund të shëndërrohet në një ndër protagonistët e kësaj periudhe.
Potenciali i hollandezit nuk ka nevojë për koment, për të cilin Paris St Germain, Manchester United dhe Barcelona do të zhvillojnë një luftë shumë të ashpër. Në aspektin ekonomik natyrisht që ‘’ Les Pariziens ‘’ dhe ‘’ Djajtë e Kuq ‘’ janë një hap më përpara por s’duhen nënvlerësuar ‘’ Blaugranët ‘’, të cilët në shumë raste janë preferuar nga lojtarë të këtij niveli. Sezoni i sapopërfunduar është i dyti në ‘’ Allianz Arena ‘’, i shoqëruar me 2 gola dhe 1 asist në 30 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
