Ofertat tunduese në drejtimin të Paulo Dybalas në kohët e fundit duket se e kanë bindur.
Sulmuesi thuhet se është afër kalimit tek Al Qadisiah, një ekip i cili performon në ligën e Arabine Saudite.
Thuhet se për 30 vjeçarin drejtuesit e tij janë ofruar për të paguar 12 milionë eurot, shifër e cila i korrespondon klauzolës për prishjen e kontratës.
Argjentinasi do të firmosë deri në 30 qershorin e 2027-tës dhe do të përfitojë 15 milionë euro në sezon.
Në të kaluarën kampioni i Botërorit të Katarit me ‘’ Albicelestët ‘’ la gjurmë tek Juventusi dhe tek Roma, i cili ndër vite është konsideruar në një rrezik të vazhdueshëm për mbrojtjet kundërshtare.
Ndërkohë, drejtuesit e ‘’ Verdhekuqve ‘’ janë përgatitur për largimin e golashënuesit nga ‘’ Olimpico ‘’ pas dy sezoneve.
Zyrtarizimi parashikohet se është çështje ditësh dhe kampionati në fjalë do të furnizohet me një tjetër lojtar, i cili impresionoi prej vitesh me rradhë në Serinë A, fillimisht tek Palermo, tek ‘’ Zonja e Vjetër ‘’ dhe në fund tek ekipi nga kryeqyteti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
