Përpjekjet e pandalura të Milanit në funksion të fuqizimit e kanë shtuar intensitetin në javët e fundit . Italianët po e shfrytëzojnë çdo ditë në maksimum për të transferuar në ‘’San Siro‘’ lojtarët që do t'u shërbejnë skemave të Stefano Piolit për sezonin e ardhshëm.
Real Madridi është ndalesa e rradhës për Milanin , skuadër që pas tentativave për Luka Modric , Jovic , Dani Ceballos dhe Brahim Diaz ka shënjestruar edhe Isco Alarcon dhe Alvaro Odriozola .
Përmirësimi i krahut të djathtë të mbrojtjes dhe qendra e mesfushës mbeten dy ndër objektivat e Stefano Piolit i cili sipas Calciomercatos i ka bërë me dije drejtuesve se prezenca e këtyre komponentëve konsiderohet shumë e vlefshme dhe traineri italian kërkon ti paraprijë situatave të vështira të cilat e kanë pezulluar Milanin në të kaluarën .
Rikthimi i Carlo Ancelottit në ‘’ Santiago Bernabeu ‘’ pa dyshim hapi një dritare shprese për ‘’ Galaktikët ‘’ tek të cilët kanë filluar spastrimet .
I vetmi dyshim për ‘’ Los Merengues ‘’ mbetet se nëse për Alvaro Odriozola dhe Isco Alarcon do të aplikohet formula e huazimit me opsionin e blerjes së detyrueshme apo largimi përfundimtar nga një ndër klubet më të famshëm të planetit . Me rikthimin në Champions League detyrimet e tyre janë shtuar dhe në Milano shpresohet se aksionet e ndërmarra do t’ia lehtësojnë rrugën në sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
