Kolumbiani Juan Cuadrado është ndër lojtarët që finalizon kontratën me Juventusin në 30 qershorin e 2022-shit dhe rinovimi i kontratës me kolumbianin konsiderohet një ndër prioritetet e ‘’ Zonjës së Vjetër ‘’. Që prej kalimit në Torino 33 vjeçari është bërë zot i krahut të djathtë të mesfushës duke u shëndërruar në alternativën e parë të Massimiliano Allegrit në çdo takim .
Ylli i ‘’ Los Cafeteros ‘’ është një lojtar që garanton shumë dhe mund të aktivizohet në çdo pozicion duke i dhënë opsione të vlefshme strategut Italian të cilat ia bëjnë punën më të lehtë juventinëve . Objektivi kryesor i bardhezinjve është rifitimi i terrenit të humbur , së pari në Itali e më pas në Champions League ku aspirojnë domosdoshmërisht të shtojnë trofeun e tretë në vitrinën tejet të pasur .
Parashikimet flasin për një shtrëngim duarsh ndërmjet palëve sepse janë të të njëjtit mendim dhe i ka ngelur pezull fitimi për herë të tretë i kompeticionit më të rëndësishëm në Europë pasi në Itali ja kanë marrë dorën trofeve dhe njëkohësisht janë rekordmenë absolutë me 9 tituj rradhazi .
Këtij kapitulli shumë të rëndësishëm për vijimësinë besohet se do ti vihet vula në javët vijuese sepse bashkjetesa konsiderohet e shkëlqyer dhe është normale që të shoqërohet me fundin e lumtur .
Deri më tani , duke iu referuar këtij sezoni, mesfushori nga Antioquia ka shënuar 2 herë dhe ka kontribuar me 1 asist në 13 takime në rrugëtimin e këtij Juventusi që i duhet me patjetër të rikthejë buzëqeshjen në Torino dhe të ulë shpejt nga froni zikaltërit e Interit dhe gjithashtu të shtojë agresivitetin në Champions League sepse nuk shijon trofe që nga viti i largët i 1996-tës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
