Një ndër prioritetet e Antonio Contes për merkaton verore sigurisht vijon të jetë përforcimi i metrave të fundit.
Traineri italian e dëshmoi edhe njëherë kapacitetin në sezonin e shkuar, i cili fitoi Scudetton me ‘’ Il Partenopei ‘’.
Kjo fazë është shumë e rëndësishme për të vijuar në të njëjtën linjë dhe së fundmi krerët e italianëve kanë arritur një marrëveshje.
Noa Lang është transferuar nga Psv Eindhoveni në ‘’ Diego Armando Maradona ‘’ për shifrën e 28 milionë eurove, e konsiderueshme por njëkohësisht e justifikuar nga paraqitjet e tij.
Ish traineri i Chelseat njihet për kokëfortësinë dhe faktin e të qënit kompetitiv dhe jo më kot ka arritur në këtë stad në karrierë.
Megjithatë, 55 vjeçarin e presin sfida të ashpra në të ardhmen dhe transferimet cilësore mbeten një domosdoshmëri.
Në rastin konkret, Noa Lang shquhet si një element me cilësi shumë të mira teknike, i aftë për të bërë diferencën në zona të ngushta dhe besohet se do të adaptohet pa probleme në 3-5-2 shin e Antonio Contes.
Flitet se 26 vjeçari do të qëndrojë për disa sezone tek Napoli dhe rroga e tij do ti arrijë 3 milionë eurot në sezon.
Por, pavarësisht suksesit në Itali gjigandët e saj do të kërkojnë ta shtrijnë protagonizmin edhe në Europë dhe me një trainer të këtij niveli në stol gjithçka është e mundur.
Presioni do të jetë shumë i madh dhe strategu italian është tejet kërkues, i cili e ka mbështetjen e padiskutueshme të presidentit Aurelio Di Laurentis dhe stafit drejtues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
