Vedat Muriqi vazhdon të shkëlqejë në Spanjë, aty ku aktivizohet me skuadrën e Mallorca.
Sulmuesi i Kosovës, ka gjetur sërish rrugën e rrjetës ditën e djeshme. 27-vjeçari ishte autori i golit të vetëm të Mallorca, në humbjen 2-1 ndaj Betis.
Pas përfundimit të ndeshjes, ai deklaroi se skuadra e tij nuk e meritoi humbjen, ndërsa shtoi se penalltia për vendasit ishte e turpshme.
“Nuk e kemi merituar humbjen në këtë përballje. Kemi mundur të marrim një pikë ndaj një rivali të vështirë si Betisi. Penalltia ishte e turpshme dhe nuk mendoj se duhej të akordohej, por ne duhet të vazhdojmë të luftojmë. Jam i lumtur me golin por dua që ai të shërbejë për të fituar pikë”, u shpreh Muriqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
