Ashtu siç pritej, në orët e fundit Luis Suarez e ka vendosur destinacionin e ardhshëm në karrierë.
Uruguajani do ti bashkohet Inter Miamit, aty ku do të gjejë ish shokët e tij tek Barcelona si Lionel Messin , Sergio Busquets dhe Jordi Alban.
Edhe pse lajmi ende nuk është zyrtarizuar , ‘’ El Pistolero ‘’ pritet të vihet nën urdhërat e Gerardo Martinos shumë shpejt, prezenca e të cilit me siguri do ti japë avantazhe sulmit të amerikanëve.
Sigurisht ky lajm ka shkaktuar entuziazëm tek ekipi i lideruar nga David Beckham, i cili po shijon frytet e investimit të tij ndër vite, me transferimin e lojtarëve të elitës, të cilët fituan gjithçka në Europë në të kaluarën.
Me Lionel Messin, para pak kohësh Inter Miami e fitoi Kupën e Ligës dhe pretendimi i drejtuesve është shtimi i trofeve në vitrinë.
Gjatë eksperiencës së fundit me Gremion e Porto Alegres, 36 vjeçari arriti ta fitojë Kampionatin dhe Kupën, sukses i shoqëruar me 29 gola dhe 18 asiste në 54 sfida, duke e treguar se pavarësisht moshës mbetet një sulmues tejet i rrezikshëm në metrat e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
