Skuadra e Barcelonës ka shkatëruar Las Palmasin në javën e 18-të La Ligës. Kampionët në fuqi rigjejn buzëqeshjen në kampionat duke korrur suksesin e parë për vitin 2017. Blaugranat e drejtuar nga Luis Enrique, mposhtën 5-0 Las Palmasin në duelin e dytë të javës së 18-të, e parafundit për gjysmën e parë të La Ligës.
Festivalin e golave në “Kamp Nou” e çeli Luis Suarez në minutën e 14 të, ndërsa spektakli blaugrana vijoi pas pushimit. Leo Mesi dyfishoi në të 52-n, Luis Suarez plotësoi dopietën personale në të 57-n dhe Arda Turan bëri “poker” dy minuta më pas. Festës iu bashkua edhe Aleks Vidal me golin që vulosi “manitan” e Barçës dhjetë minuta para fundit të kohës së rregullt. Me këtë triumf ekipi i Luis Enrikes parakalon përkohësisht Seviljen në vend të dytë, 2 nga Reali i Madridit që ka për të luajtur dy ndeshje më shumë.
Pikërisht Sevilja dhe Reali do të ndeshen mes tyre të dielën në orën 20:45.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
