Inter ofertë Perisicit

 Edhe pse po zhvillon një sezon pozitiv, Simone Inzaghi akoma nuk është i bindur nga zikaltërit të cilët synojnë përsëritjen e sezonit të kaluar.

Koha ka treguar se jo gjithmonë gjërat shkojnë vaj , fakt që ia dha për të kuptuar disfata në Champions League kundër Liverpoolit por megjithatë duhet të shikohet vetëm përpara dhe sipas  ‘ La Gazzetta dello Sport ‘ në Milano po lëvizen të gjithë gurët për të blinduar Ivan Perisic . 

Kroati është drejt përfundimit të kontratës dhe objektivi  i italianëve është rinovimi me  33 vjeçarin , deri në 2024- tën dhe 5 milionë euro në sezon  .

Ofertat nga Bundesliga dhe Premier League sikur i kanë frikësuar paksa drejtuesit sepse Ivan Perisic është një pilar i çmuar për  Simone Inzaghin dhe me të në fushë Interi ka patur shumë rezultat .  

Mosha e tij nuk e ka penguar aspak por përkundrazi e ka ndihmuar për të kontribuar maksimalisht në furnizimin e ofensivës duke e kënaqur ishi-n e Lazios i cili e vlerëson përshtatjen në disa pozicione , fakt që ia lehtëson punën Interit.

Duhet theksuar se transferimi i Robin Gosens sikur e ka shqetësuar pak ishi-n e Wolfsburgut që duhet të përpiqet shumë në vijimësi pasi Botërori është shumë afër dhe duhet  ti tregojë Zlatko Dalicit se eksperienca tek Interi e ka përgatitur shumë mirë për të përballuar një eveniment shumë tërheqës dhe njëkohësisht tepër sfidues.  

Normalisht për çdo lojtar të njohur, përfaqësimi i shtetit të tyre sidomos në këto instanca është arritja më e madhe në karrierë dhe Ivan Perisic e meriton pas kontributit tek një Inter që është drejt rindërtimit.