Gazetari Pano Xhixho, i ftuar në emisionin “Skaner” në MCN TV, foli për kampionatin shqiptar, ku tha se titulli do të vendoset edhe nga kalendari i ndeshjeve, ku theksoi se Tiranën e presin ndeshje të vështira në transfertë.
Xhixho zbuloi gjithashtu, se Egnatia e cila është e dënuar nga Disiplina, për të luajtur ndeshjen me Laçin në fushë neutrale, do të presë kurbinasit në stadiumin e Partizanit në kryeqytet.
Titulli varet edhe nga kalendari. Thamë para pak javësh, që ishte një kalendar për Tiranën dhe në disfavor të Partizanit. Tani të gjitha transfertat e Tiranës, do të jenë të vështira, me Vllazninë në Shkodër, me Laçin atje, apo edhe me Teutën ën Durrës, nuk janë transferta të lehta.
Egnatia ndeshjen ndaj Laçit si vendase do e luajë në stadiumin e Partizanit. Kam përshtypjen që presidenti Demi, ka dhënë miratimin që ndeshja të luhet aty.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
