Ish-futbollisti, Ermal Tahiri, duke folur për shkarkimet e fundit të trajnerëve në kampionatin shqiptar, tha se cikli i Martinit u mbyll te Teuta.
Për rastin e Maganit, që u largua nga Egnatia, Tahiri deklaroi se nuk e kupton pse erdhi kjo dhe me ironi tha se ndoshta te rrogozhinasit kanë vendosur objektiv titullin kampion.
“Janë 3 trajnerë të shkarkuar. Cikli i Martinit u mbyll. Teuta ka bërë shumë mirë për zgjedhjen brenda klubit. Nuk e kuptoj atë që ndodhi te Egnatia për shkarkimin e Maganit. Ndoshta kanë vendosur si objektiv titullin kampion. Pa eksperienca heq eksperiencën, mund të themi në këtë rast.
Kur hoqi trajnerin presidenti i Laçit, skuadra nuk kishte rezultate. Ndërsa te Egnatia është e kundërta. Pse të hiqet Magani?!”, deklaroi Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
