Përforcimi i mesfushës mbetet një ndër objektivat e drejtuesve të Barcelonës referuar merkatos së janarit.
Tek ‘’ Los Cules ‘’ po punohet me shumë përkushtim për arritjen e objektivave dhe vijimësisë në rrugën e duhur në fazën vendimtare të sezonit.
Gilberto Mora është përfshirë në listën e spanjollëve, i cili mbron ngjyrat e Tijuanës në Meksikë.
17 vjeçari pretendohet edhe nga Real Madridi, ç’ka do të thotë se do të zhvillohet një tjetër ‘ Superclasico ‘ midis tyre.
Do të jetë një sfidë shumë e ashpër por sipas ‘ Defensa Central ‘, drejtori teknik Deco ka filluar ti lëvizë me shpejtësi gurët.
Duhet theksuar se interesi i ‘’ Galaktikëve “ përbën një kërcënim jo vetëm për Barcelonën por edhe çdo ekip tjetër, së pari për historinë e gjatë të suksesit dhe gjithashtu faktin e të qënit ndër më potentët në aspektin ekonomik.
Prej dy sezonesh lojtari në fjalë ka treguar cilësitë në kampionatin meksikan, i cili vijon të konsiderohet tejet kompetitiv.
Në Botërorin e moshave Giberto Mora shpalosi edhe njëherë potencialin dhe nëse gjithçka vijon ashtu siç duhet e ardhmja e tij mund të jetë në kontinentin e vjetër, me shumë gjasa tek një ekip gjigand.
Në më shumë se një rast e ka deklaruar se prioriteti lidhet me dhënien e maksimumit në fushë dhe në fakt i ka përmbushur pritshmëritë, ç’ka e bën të pashmangshëm interesin e ekipeve të elitës.
Sigurisht duhet nënvizuar edhe ambicja e tij dhe gjatë një deklarate u shpreh kështu:
“ Meksika i ka të gjitha mundësitë për ta fituar Botërorin. Na duhet të besojmë deri në fund ‘’, theksoi Gilberto Mora.
Këtij lojtari i mbetet edhe shumë për të treguar por arritja deri në këto nivele do të thotë se është në rrugën e duhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
