Pavarësisht se Chelsea në javët e fundit konsiderohej më e avantazhuar për transferimin e Moises Caicedos në ‘’ Stamford Bridge ‘’ , historia ka marrë një tjetër rrjedhë me kalimin e ditëve. Liverpooli ka fituar terren dhe sipas informacioneve të fundit, mesfushori ka zgjedhur ‘’ Anfield Road ‘’ për të vijuar karrierën, për të cilin do të shpenzohen 110 milionë euro. Pas largimit të Milner, Henderson dhe Fabinhos, pritej reagimi i anglezëve , të cilët deri më tani kanë arritur akordin me Dominik Szoboszlai dhe Alexis Mac Allister. Një ndër objektivat kryesorë të Jurgen Kloopit ishte përforcimi i mesfushës dhe për 21 vjeçarin do të jetë një sfidë emocionuese dhe njëkohësisht e vështirë, për arsye se tek Liverpooli kërkesa e llogarisë është shumë e lartë . Distancimi nga titujt prej disa sezonesh i ka shkaktuar dhimbje të shpeshta koke trainerit gjerman por eksperienca e tij e shëndërroi Liverpoolin në një ndër ekipet më të suksesshëm në botë në të kaluarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
