Kryeministri Edi Rama, priti në një takim ditën e sotme presidentin e UEFA-s, Aleksander Ceferin. Pas takimit, Rama në profilin e tij në “Twitter”, shkruan se takimi nuk mund të shkonte më mirë, ndërsa zbuloi se u diskutua për finalen e Conference League më 26 maj, e cila do të mbahet në Tiranë, në stadiumin “Air Albania”.
Gjithashtu kryeministri, bën të ditur se ranë dakord që të zhvillohet një porces i besueshëm për të gjitha palët në zgjedhjet e reja të FSHF.
“Takimi sot me Presidentin e UEFA-s s'mund të ishte dot më i mirë për qëllimin e përbashkët të zhvillimit në Tiranë të finales së parë europiane në histori, si dhe të realizimit të një procesi të besueshëm për të gjitha palët e përfshira në zgjedhjet e reja të FSHF”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
