Teuta nuk mposhtet as në Loro Boriçi. Kampionët e sezonit të kaluar, ndonëse në inferioritet numerik rrëmbyen 1 pikë ndaj Vllaznisë. Golit të Da Silvas për vendasit iu kundërpërgjigj Kuembemba në minutën e 73.
Pavarësisht aksioneve të njëpasnjëshme të shkodranëve, rezultati nuk ndryshoi deri në fund, ndërkohë që trajneri Bërdariç pranoi se lojtarëve të vet u mungoi edhe qetësia në momentin kur ndodheshin në avantazh
Jam i kënaqur nga loja e futbollistëve të mi, por ky është futbolli. E kërkuam me ngulm golin e fitores, por Teuta u mbrojt shumë mirë. Kur ishim në avantazh duhet të ishim më të sigurtë dhe ta menaxhonim situatën. Sigurisht që ata janë më të kënaqur për pikën e marrë.
Ndërsa trajneri i djemve të detit Edi Martini, i kënaqur nga futbollistët e tij, e konsideron të drejtë barazimin pasi skuadra e tij luajti me një lojtar më pak.
Vllaznia dhe Teuta ndodhen në kuotën e 4 pikëve pas dy javëve të para, ndërkohë që javën e ardhme shkodranët do të luajnë ndaj Partizanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
