Në kontinentin e vjetër do të zhvillohet një sfidë shumë e ashpër gjatë merkatos së verës për një ndër sulmuesit më të rrezikshëm të aktualitetit siç është Victor Osmihen .
Nigeriani është shëndërruar në një ndër referentët kryesorë të ofensivës së ‘’ Azurrëve ‘’, të cilët janë drejt një suksesi historik , siç është fitimi i Scudettos.
Pas Manchester United , Bayern Munchen dhe Real Madridit , Chelsea është përfshirë në këtë histori .
‘’ Blutë e Londrës ‘’ investuan fuqishëm gjatë merkatos së verës dhe transferuan shumë lojtarë cilësorë në ‘’ Stamford Bridge ‘’ por performanca e të besuarve të Graham Potterit deri më tani e detyron automatikisht Todd Boehly-n të investojë përsëri , pas 630 milionë eurove të shpenzuara në dy merkatot e kaluara.
Ishi i Lilles deri më tani numëron 19 gola në 22 sfida dhe pa diskutim konsiderohet një bomber , për të cilin presidenti i Napolit Aurelio Di Laurentis ka filluar të fërkojë duart.
Manjati italian pretendon të arketojë rreth 120 milionë euro për largimin e 24 vjeçarit nga ‘’ Diego Armando Maradona ‘’, në shenjë të kontributit të dhënë , sidomos në sezonin aktual , ekipi i të cilit me siguri do ta ndryshojë historinë e këtij kampionati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
