Dani Alves, do të lirohet nga burgu, pas 14 muajsh qëndrimi në qeli. Braziliani ka paguar garancinë prej 1 milion eurosh, e cila është pranuar nga Gjykata e Barcelonës, për ta liruar me kusht.
Ish-lojtari do të lirohet mbrëmjen e kësaj të hëne nga burgu, aty ku qëndron nga janari i vitit 2023.
Ish-futbollisti i Barcelonës, Juventusit dhe PSG-së u dënua me 4 vjet e gjysmë burg për përdhunimin e një vajze 23-vjeçare në Barcelonë në natën mes 30 dhe 31 dhjetorit.
Gjykata urdhëroi dorëzimin e dy pasaportave, braziliane dhe spanjolle, si dhe detyrimin për të nënshkruar çdo javë në polici. Gjithashtu nuk mund t’i afrohet vajzës nga e cila është akuzuar, në një distancë më të afërt se 1 km.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
