Arritja e akordit për rinovimin e kontratës me Real Madridin sa vjen edhe vështirësohet dhe Milani nuk mendon të humbasë kohë për ishi-n e Mallorcas .
Mesfushori prej kohësh është pjesë e merkatos se kuqezinvje dhe ‘’ Galaktikët ‘’ mendojnë shkëmbimin me Brahim Diazin, i cili e ka rifituar buzëqeshjen tek kampionët në fuqi të Serisë A.
Italianët synojnë ti bëjnë një favor 27 vjeçarit , i cili nuk bën më pjesë në planet e Carlo Ancelottit , pavarësisht se dëshira lidhet me qëndrimin në ‘’ Santiago Bernabeu ‘’ .
Pretendimi për rritjen e rrogës konsiderohet i ekzagjeruar nga kryeqytetasit dhe interesi i Milani sigurisht i shërben për ti vënë pikën kësaj historie të stërzgjatur.
Një kalim në ‘’ San Siro ‘’ do të konceptohej si një provë shumë e rëndësishme në karrierë për Marco Asension , tek një ekip ku konkurrenca është shumë e ashpër , i cili e ka rimarrë veten , sidomos me fitimin e Scudettos në sezonin e shkuar dhe po rikonfirmon eksperiencën e madhe në Champions League , kompeticion në të cilin eleminoi Tottenham Hotspurin në fazën e 1/8-tave dhe preu biletën për në çerekfinale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
