E ardhmja e Timo Werner në ‘’ Stamford Bridge ‘’ është praktikisht e pamundur . Mungesa e protagonizmit në skemat e Thomas Tuchel konceptohet një dhimbje e fortë koke për gjermanin që kërkon medoemos ndërrimin e ambjentit . 58 milionët e paguara nuk i kanë ardhur mjaftueshëm në ndihmë ‘’ Bluve të Londrës ‘’ të cilët janë në rrugën e zgjerimin të suksesit dhe gjatë këtij sezoni do të kenë detyrën e mbrojtjes së titullit të fituar në Uefa Champions League.
Pavarësisht se 25 vjeçari ishte një faktor kyç në arritjen e një suksesi të tillë, bashkombasi i tij kërkon ti japë shansin e një tjetër zgjedhjeje në karrierë.
Në skenë është shfaqur Juventusi , skuadër që është dobësuar disi me largimin e Cristiano Ronaldos tek Manchester United dhe kërkon ta rikompensojë me afrimin e Timo Werner.
S’duhet harruar as pretendimi i Bayern Munchen për sulmuesin e kryeqytetasve , fakt që e vë në siklet ‘’ Zonjën e Vjetër ‘’ . Bavarezët vijojnë të mos gjejnë zgjidhjen për sa i përket të ardhmes së Robert Lewandovskit dhe kanë vënë në praktikë planin B për të evituar pengesat gjatë rrugës .
Ky opsion është shumë interesant për Massimiliano Allegrit për shkakt të cilësive që zotëron. Mungesa e efektivitetit përpara portës e ka mbushur kupën dhe drejtuesit e Chelseat po i analizojnë me kujdes alternativat për Timo Werner sepse 2 gola në 8 ndeshje janë një statistikë tepër e vakët .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
