Shqipëria U-16, do të luajë dy ndeshje miqësore me Malin e Zi. Dy federatat kanë rënë dakord, që ndeshjet të luhen në datat 7 dhe 9 dhjetor.
Takimi i parë do të luhet në kompleksin e Federatës Malazeze në Podgoricë, të mërkurën e 7 dhjetorit në ora 13:00 ndërsa miqësorja e dytë do të luhet dy ditë më vonë, më 9 dhjetor në stadiumin ‘Reshit Rusi’ në Shkodër në ora 12:00.
Trajneri Kërçova do të zbardhë të shtunën listën e lojtarëve të grumbulluar për këto dy ndeshje, teksa synimi është vëzhgimi dhe testimi i lojtarëve të vitlindjes 2007, të cilët janë brezi që do të përgatiten për të përfaqësuar Shqipërinë U-17 në kompeticionet zyrtare të vitit të ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
