Mosarritja e akordit për rinovimin e kontratës për momentin e ka bërë edhe më interesante të ardhmen e Gianluiggi Donnarummas . Gardiani 22 vjeçar ka shënuar rritje të rendimentit dhe për shërbimet e tij kanë hyrë në valle tre pretendentë të fuqishëm .
Përfundimi i kontratës në 30 qershorin e ardhshëm i ka shëndërruar kandidatët si Manchester United , Paris St Germain , Juventus dhe Inter si favoritët kryesorë për ta larguar nga ‘’ San Siro ‘’ . Një ndër elementët që e ndërlikojnë qëndrimin tek Milani janë pretendimet ekonomike të italianit , peticion që nuk është aq i lehtë për tu zgjidhur nga drejtuesit e tyre .
Duke qenë se agjenti i tij Mino Raiola është një ndër më të mirët në qarkullim automatikisht e bën këtë operacion më tërheqës sepse në të shumtat e rasteve ka dalë i fituar në negociatat e ndërmarra . Megjithatë projekti për rikthimin në kohët e arta mbetet prioritet i 18 herë kampionëve të Serisë A , të cilët në sezonin aktual kanë rikuperuar shumë nga versioni i tyre më i mirë dhe janë shëndërruar një kockë shumë e fortë në Itali pa lënë në harresë objektivin e tyre kryesor i cili lidhet me përfaqësimin dinjitoz në Uefa Champions League gjatë sezonit vijues .
Tashmë destinacioni final si merkatoja e verës do të përcaktojë përfundimisht të ardhmen e Gianluiggi Donnarummas , portier që do të ketë detyrën e vështirë për të marrë vendimin më të rëndësishëm për të ardhmen e tij e cila duke patur parasysh vlerat e jashtëzakonshme që mbart me siguri do ti shkaktojë shumë buzëqeshje numrit një të kombëtares ‘’ Azurre ‘’ .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
