Trajneri i Interit, Simone Inzaghi, u shfaq shumë i lumtur, pas derbit me Milanin në gjysmëfinalen e Kupës, ku skuadra e tij triumfoi pastër 3-0. Pas ndeshjes, ai u shpreh se ekipi tani që shkoi në finale, do të kërkojë të fitojë Kupën.
Duke folur për ndeshjen e djeshme, Inzaghi tha se skuadra e tij bëri ndeshje shumë të mirë, ndërsa deklaroi se e meritonin, pasi e goditën Milanin me zgjuarsi.
Djemtë ishin të shkëlqyer. I goditëm në momentin e duhur me zgjuarsi dhe freski. Donim fitoren në këtë derbi dhe e merituam finalen me atë që dhamë në fushë.
Kemi fituar në janar Superkupën dhe kemi një finale tjetër për të zhvilluar. Pastaj është kampionati që duhet mbyllur në mënyrën e duhur.
Ishim të aftë për të ruajtur shkëlqimin pas një muaji e gjysmë të vështirë. Kalendari ishte i vështirë dhe shpenzuam shumë energji fizike dhe mendore. Tani të marrim më të mirën në javët që kanë mbetur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
