Ditën e sotme u zhvilluan provat zyrtare në Formula 1, për garën e fundit të sezonit në Abu Dhabi.
Max Verstappen ia ka dalë të triumfojë, duke fituar “Pole Position”. Piloti holandez la pas britanikun Lewis Hamilton, me këtë të fundit që u rendit i dyti, para Lando Norris që e nis nga vendi i tretë.
Një mundësi shumë e mirë për Verstappen, i cili në garën e fundit nesër, do të ketë mundësinë të niset i pari, ndërsa menjëherë pas tij është Hamilton. Të dy këta pilotë janë me pikë të barabarta 369.5 dhe do të jetë gara e fundit e sezonit, që mbahet nesër, ajo që do të vendosë cili e fiton titullin kampion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
