Huazimi i Jadon Sanchos tek Borussia Dortmundi, po rezulton një goditje e qëlluar në shenjë nga drejtuesit e Manchester United.
Anglezi ka rikuperuar ndjeshëm terren në lidhje me të kaluarën dhe pretendentët s’kanë vonuar dhe tanimë ja kanë shkelur syrin.
Flitet për Juventusin, ekip i cili është i gatshëm të ofrojë 40 milionë euro për mesfushorin gjatë merkatos së verës.
Besohet se ‘’ Zonja e Vjetër ‘’ mund ta arrijë qëllimin, duke qenë se 23 vjeçari la për të dëshiruar në të kaluarën tek ‘’ Djajtë e Kuq ‘’ të cilët e huazuan tek gjermanët.
Sigurisht, torinezët janë një ndër protagonistët e çdo merkatoje, kryesisht në Itali, të cilët medoemos po tentojnë ta ndryshojnë historinë në kampionat dhe jo vetëm, pas disa viteve larg titujve.
Me ekipin nga Ruhr, Jadon Sancho numëron 5 sfida dhe 1 asist në sezonin aktual dhe ish rekordmenët e Serisë A do të japin maksimumin për ta patur pjesë të tyren.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
