Vendimet/ Gjakosën arbitrin, Komisioni i Disiplinës dënon Skënderbeun

Komisioni i Disiplinës ka dhënë ditën e sotme vendimet, në lidhje me ngjarjet e fundit të ndodhura në futbollin shqiptar.

Skënderbeu është dënuar më gjobë, pasi tifozët korçarë, goditën arbitrin anësor duke e gjakosur në kokë, në sfidën ndaj Partizanit.

Vllaznia është paralajmëruar për sjelljen e gabuar të tifozëve. Ndërkohë Laçi U-21, ka humbur ndeshjen ndaj Bylisit në tavolinë 3-0, pasi nuk u paraqit në këtë ndeshje.

VENDIMET:

1. KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
2. KF Skënderbeu, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1, 65/3/a dhe 65/3/c të KDS, dënohet me gjobë në masën 100.000 (njëqind mijë) lekë.
3. KF Laçi U-21, për braktisjen e ndeshjes së vlefshme për Kampionatin Kombëtar të Kategorisë Superiore U-21, kundër KF Bylis U-21, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
4. KF Ada, për dështim në përmbushjen e detyrimeve dhe përgjegjësive, duke shkaktuar ndërprerjen e përkohshme të lojës, në bazë të nenit 64/3/b të KDS, dënohet me zhvillimin e 4 (katër) ndeshjeve pa spektatorë.
5. Lojtari i KS Korabi U-19, Gerald Abdiu, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
6. Sugjerim: Lojtari i KS Korabi U-19, Xhovan Zhuzhi, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
7. Lojtari i KF Burreli U-19, Amadeo Keta, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
8. Lojtari i KF Burreli U-19, Mateo Ceka, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
9. KF Klosi U-19, për braktisjen e ndeshjes së vlefshme për Kampionatin Kombëtar të Kategorisë së Parë U-19 – Grupi A, kundër FK Kukësi U-19, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
10. Lojtari i Besëlidhja U-19, Emanuel Zekaja, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
11. Lojtari i Basania U-19, Dorian Filipaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
12. Lojtari i KF Shkumbini U-19, Mario Shega, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 10 (dhjetë) ndeshje pezullim nga aktiviteti.
13. Lojtari i AF.Triumph U-17, Albjon Tafili, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
14. Lojtari i FK Dinamo U-17, Rizarti Palloshi, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
15. Lojtari i Teuta U-17 B, Hekuran Tarja, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
16. Lojtari i FC Kinostudio U-17, Rei Pillati, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
17. Rrëzimin e kërkesës së FK Dinamo U-17, si të pabazuar në Kodin e Disiplinës Sportive.
18. Rrëzimin e kërkesës së FC Besa U-19, si të pabazuar në Kodin e Disiplinës Sportive.
19. Rrëzimin e kërkesës së lojtarit të FK Tërbuni, Albers Keko, si të pabazuar në Kodin e Disiplinës Sportive.

Kundër vendimit lejohet ankim brenda 3 (tre) ditëve përpara Komisionit të Apelit.