Trajneri Nevil Dede, deklaroi në emisionin “Skaner” në MCN TV, se zëvendësimet ndryshuan fytyrën e Partizanit në humbjen minimale ndaj Astanës.
Sipas tij, Zekic duhet të gjejë një zgjidhje dhe mesfushori Maguette të jetë titullar për ndeshjen e kthimit.
Në pjesën e parë ishte e dukshme diferenca me kundërshtarin. Ndoshta trajnerit ju prishën planet, sepse u dëmtua Grezda. Golin më shumë e sajuan vetë, sesa për meritë të kundërshtarit.
Kopcijan dhe Zekolli rezultojnë se nuk janë në nivelin e Partizanit, e treguan në pjesën e parë. Në të dytën, zëvendësimet i dhanë një fytyrë tjetër Partizanit. Zëvendësimet e rregulluan Partizanin dhe prishën Astanën. Me 5-4-1, mund ta mbyllnim ndeshjen 1-1.
Pjesa e dytë flet në favor të Partizanit, pavarësisht se pësuam edhe dy gola të tjera, por që u anuluan. Mendoj se Maguette, meriton të luajë te Partizani. Nuk e di si e gjen mënyrën Zekic, por Maguette duhet në ndeshjen e kthimit. Shpresojmë të jetë gati edhe Mba në ndeshjen e kthimit.
Kazakët nuk bënë ndonjë gjë të madhe. Me zëvendësimet ne ishim superiorë ndaj tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
