Al Qadisiyah, tenton për Kevin De Bruyne

E ardhmja e Kevin De Bruyne mund të ndryshojë gjatë merkatos së verës.

Belgu ende nuk e ka rinovuar kontratën me Manchester City-n, arsye e mjaftueshme kjo për Al Qadisiyah në Arabinë Saudite për tu përforcuar me shërbimet e tij.

Ky klub është në pronësi të kompanisë Aramco dhe shquhet për potencialin në aspektin ekonomik.

I vetmi problem është se momentalisht po performon në kategorinë e dytë dhe në sezonin aktual po bën maksimumin për të qenë pjesë e elitës.

Ecuria e deritanishme lë vend për entuziazëm pasi po kryeson me meritë dhe nëse do ta arrijë objektivin, sigurisht parashikohet që të ketë përfitime gjatë merkatos së verës.

Në vitet e fundit liga e Arabisë Saudite ka fituar shumë terren për arsye të pagave të majme dhe gjatë kohës lojtarët të cilët lanë gjurmë në të kaluarën në kontinentin e vjetër kanë vendosur të bëhen pjesë e saj, edhe pse në aspektin kualitativ nuk kanë të krahasuar.