Endërra e Milanit për tu rikthyer aty ku e meriton bëhet edhe më e zjarrtë me kalimin e kohës . Distanca prej 6 pikësh me rivalët e përjetshëm të Interit në Serinë A ka shënuar një pikë reflektimi për direktivën e "Rossonerëve" se duhet të ndërmarrin të gjitha aksionet e nevojshme për ta mbajtur skuadrën e tyre në të njëjtën linjë edhe për sezonin vijues.
Për këtë arsye, drejtori teknik dhe njëkohësisht legjenda e kuqezinjve, Paolo Maldini, nuk ka të ndalur në kërkimin e elementëve cilësorë që me siguri do të lënë gjurmë tek 18 herë kampionët e Serisë A gjatë sezonit te ardhshëm.
Sipas italianes "Tuttosport", Milani e ka përqëndruar vëmëndjen në Francë, pikërisht tek Lille.
Mesfushori Jonathan Ikone nuk ka të ndalur me paraqitjet pozitive dhe është përfshirë në listën e gjatë të gjigantëve të Italisë për merkaton verore.
Bëhet me dije se Milani do të ofrojë 30 milionë euro për të përfituar shërbimet e tij, fakt që me shumë gjasa do ta shoqërojë edhe gjatë merkatos verore për arsye të problemeve të shumta që ka shkaktuar ekonomia e koronavirusit në arkat e skuadrave të njohura.
Nëse gjithçka do të vijojë me këto ritme, Milani do të jetë një ndër 4 të privilegjuarit për t'u përfshirë në Uefa Champions League gjatë sezonit të ardhshëm, kompeticion që do t'i shtohet kampionatit dhe kupës, duke nënkuptuar qartësisht një vështirësi më vete për të besuarit e Stefano Piolit dhe ndërhyrja e domosdoshme në merkato do të balancojë disi mbingarkesën e lojtarëve përgjatë sezonit.
Ky element i krijon menjëherë idenë se nuk duhet të ndalen për asnjë moment deri sa ta konkretizojnë një operacion të tillë, i cili pa diskutim do të mendohet me detaje nga Jonathan Ikone sepse thekson jo vetëm progresin e dëshiruar, por mbrojtjen e ngjyrave të një ndër skuadrave me të famshme të globit.
Deri në këtë moment, nxënësi i Christophe Galtier ka shfaqur një rendiment te shkëlqyeshëm, të cilin e ka kanalizuar në 40 ndeshje, 7 gola dhe 6 asiste, fakt që ka ndikuar në renditjen aktuale të Lilles në Ligue 1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
