Tjetër alternativë për mbrojtjen e Barcelonës
Problemet e shpeshta të Barcelonës në sezonin aktual nuk po i lënë zgjidhje tjetër drejtuesve veçse të mendojnë për merkaton e verës.
Jon Aranburu është shëndërruar në objektivin e rradhës për ‘’ Blaugranët ‘’, një element shumë i rëndësishëm si tek Real Sociedadi ashtu edhe tek Venezuela.
22 vjeçari shquhet për inkursionet e shpeshta drejt portave kundërshtare, tepër efikas edhe në prapavijë.
Jules Kounde dhe Alejandro Balde faktikisht nuk kanë demostruar nivelin e pritur në çdo kompeticion dhe kjo situatë sigurisht ka gjeneruar mjaft polemika në kampin e katalanasve.
Eshtë sezoni i dytë i Jon Aranburu në rradhët e ekipit nga San Sebastian, me të cilin kontrata i përfundon në 2030-tën.
Njohja e La Ligas është një avantazh në rastin se do të transferohet në ‘’ Camp Nou ‘’ edhe pse tek Barcelona presioni është shumë i madh pasi në çdo sezon është pretendente kryesore për të fituar tituj.
Nuk do të jetë aspak e lehtë dhe drejtuesit e kuq e bluve kanë menduar edhe përfshirjen e ndonjë lojtari për arritjen e marrëveshjes, edhe pse pritet edhe një lloj rezistence nga spanjollët.
Prej vitesh me rradhë krahu i djathtë i mbrojtjes nuk i ka funksionuar ashtu siç duhet ish fituesve të Champions Leagues, një ekip i cili ka ndryshuar nën drejtimin e Hansi Flickut.
Janë bërë 27 sfida për Jon Aranburun deri më tani, një lojtar i grumbulluar edhe nga Fernando Bastista në kombëtaren ‘’ La Vinotinto ‘’.
