Siç dihej pretendentët për Raphinhan do të vijonin insistimin për ta larguar nga ‘’ Camp Nou ‘’ por në orët e fundit drejtuesit e Barcelonës kanë reaguar.
‘’ Los Cules ‘’ kanë refuzuar ofertën e Arsenalit për ishi-n e Leeds United i cili ka influencuar gjatë sfidave në sezonin aktual.
29 vjeçari e ka bindur Hansi Flickun dhe në çdo sfidë po e rikonfirmon se mbetet i domosdoshëm në 11-shen e formuar prej tij.
‘’ Topchinjtë ‘’ natyrisht kanë marrë një goditje dhe tashmë trainerit Mikel Arteta do ti duhet ti bëjë ndryshe llogaritë në lidhje me transferimin e një tjetër sulmuesi në ‘’ Emirates ‘’.
Kapaciteti në metrat e fundit, forma shumë e mirë fizike, shpejtësia dhe mënyra se si triblon ka bërë diferencën dhe ia ka rritur automatikisht vlerat Raphinhas.
Vetë presidenti Joan Laporta ka rikonfirmuar pozicionin e tij referuar kësaj çështje, në fakt një prioritet për të ardhmen e Barcelonës.
Edhe pse londinezët mbeten një ekip i preferuar në këtë moment Raphinha vijon të jetë determinant dhe kreu i ‘’ Blaugranëve ‘’ ka paracaktuar një klauzolë prej 1 miliard eurosh për të anashkaluar përfundimisht çdo tentativë të ekipeve të elitës për shërbimet e tij.
Eshtë sezoni i katërt për golashënuesin nga Porto Alegre tek fituesit e La Ligas dhe shumë trofeve të rëndësishëm ndër vite, të cilët synojnë protagonizmin në çdo kompeticion gjatë sezoneve.
13 gola dhe 5 asiste në 22 sfida numëron ishi i Sporting Lisbonës, i rrezikshëm për çdo rival.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
