Kukësi ka zyrtarizuar ditën e sotme dy afrimet e radhës në skuadër. Bëhet fjalë për Laurenc Xheka dhe Layton Ndukwu.
Xheka i cili luan në mesfushë, ka firmosur për 3 sezone, ndërsa sulmuesi Ndukwu, i cili ka dalë nga moshat e Leicester, ka firmosur për 2 sezone.
NJOFTIMI I KLUBIT:
Futboll Klub Kukesi njofton se mesfushori Laurenc Xheka dhe mesfushori anglez Layton Ndukwu janë zyrtarisht futbollistë të skuadrës sonë! Xheka ka firmosur me klubin tonë për 3 sezonet e ardhshme, ndërsa Layton ka firmosur për dy sezone.
22 vjeçari Xheka vjen te Kukësi nga ekipi i Korabit, teksa në të shkuarën ka luajtur edhe për Kastriotin e Teutën. Nga ana tjetër Layton ka luajtur në kampionatin anglez, duke qenë një prodhim i akademisë së Leicester City, teksa ka debutuar edhe me ekipin e parë. Në të shkuarën, 23 vjeçari ka qenë pjesë e moshave të Anglisë
Klubi i Kukësit ju uron mirëseardhje futbollistëve Laurenc Xheka dhe Lyton Ndukwu dhe shumë suksese me fanellën e skuadrës sonë. Mirësevjen Laurenc! Welcome Layton!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
