Rikthimi i Massimiliano Allegrit në ‘’ Allianz Stadium ‘’ i ka vënë përpara përgjegjësisë drejtuesit e Juventusit të cilët pretendojnë të jenë shumë të kujdesshëm në aksionet pasuese të cilat do të shënojnë një etapë të re në historinë e ‘’ Zonjës së Vjetër ‘’ . Këtë herë bardhezinjtë e kanë anashkaluar për momentin vëmëndjen nga merkatoja verës dhe kërkojnë të përforcojnë statusin e disa lojtarëve kyç të skuadrës . Kolumbiani Juan Cuadrado konsiderohet i pazëvëndësueshëm nga italiani i cili i ka vënë në dijeni drejtuesit se duhet të sigurojnë me çdo mënyrë qëndrimin e 33 vjeçarit tek Juventusi .
Me kontratën drejt finalizimit që sipas ‘’ La Gazzetta Dello Sport ‘’ do të bëhet efektive në 30 qershorin e 2022-shit Juventusi ka filluar fërkimin e duarve për ta mbajtur më gjatë , ide që ka marrë konfirmimin mesfushorit të kombëtares së ‘’ Los Cafeteros ‘’.
Negociatat kanë patur sukses dhe parashikohet se në ditët vijuese palët në fjalë do të firmosin për ti mbajtur të bashkuar fatet edhe për shumë kohë . Efektiviteti në krahun e djathtë të mesfushës thekson një avantazh të madh për këtë Juventus që ka lënë shumë pikë me humbjen e Scudettos por është drejt rikuperimit të forcave me qëllimin unik për ta ulur shumë shpejt nga froni Interin dhe të zgjasë sa më shumë aventurën në Uefa Champions League .
Gjatë sezonit të përfunduar Juan Cuadrado ka rezultuar një lojtar stabël për skemat e Andrea Pirlos dhe gjithashtu dhe është aktivizuar më shumë se çdo lojtar me plot 3000 minuta . Etapa në këtë Juventus të ri që pritet ta demostrojë fytyrën e vërtetë gjatë sezonit vijues do të bëhet edhe më interesante sepse figura e Massimiliano Allegrit është një motiv më tepër për çdo lojtar për arsye se e kanë provuar shijen e suksesit në të kaluarën .
Meritat e Juan Cuadrados janë të padiskutueshme por e pret një sfidë e vështirë sepse duhet të tregojë vlerat edhe në Kupën e Amerikës , eveniment në të cilin me siguri do të jetë maksimalisht i vëzhguar nga Juventusi për të rikonfirmuar hapin që është gati ta konkretizojë në ditët e ardhshme .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
